கட்டற்ற மென்பொருள் என்றால் என்ன?

கட்டற்ற மென்பொருள் (சுதந்திர மென்பொருள், Free Software) பயனர்களுக்குப் பின்வரும் உரிமைகளை அளிக்கிறது: பயன்படுத்துதல், நகல் எடுத்தல், பகிர்தல், ஆராய்தல், மாற்றம் செய்தல் மற்றும் மேம்படுத்துதல்.

கட்டற்ற மென்பொருள் என்பது அதன் கட்டற்ற தன்மை மற்றும் பயனரின் உரிமைகள் குறித்தது. இது மென்பொருளின் விலையைக் குறித்தது அல்ல. குறிப்பாக இலவசம் என்று இதனைப் பொருள்கொள்ளக் கூடாது!
 

கூண்டு இலவசம் என்பதால் அது சுதந்திரம் ஆகாது!

மேலும் தெளிவாகச் சொல்லவேண்டும் என்றால், கட்டற்ற மென்பொருள் 4 அடிப்படை உரிமைகளைப் பயனர்களுக்கு வழங்குவதாகும். அவை:

• பயனர் விரும்பும்படி, எந்த பயன்பாட்டிற்கும் மென்பொருளை இயக்கலாம். (உரிமை 0)
• மென்பொருளை ஆராயவும், தேவைக்கேற்ப மாற்றம் செய்யவும் உள்ள உரிமை. (உரிமை 1)  இதற்க்கு மூல நிரல் (source  code) வெளிப்படையாக இருப்பது அவசியம்.
• உங்களிடம் உள்ள மென்பொருளின் பிரதி/நகல்களை அயலாருக்கு விநியோகிக்கும் உரிமை. (உரிமை 2)
• மென்பொருளை மேம்படுத்துவதற்கான உரிமை மற்றும் பிறருக்கும் பயன்படும் வகையில் அதை வெளியிடும் உரிமை. (உரிமை 3) இதற்க்கும் மூல நிரல் வெளிப்படையாக இருப்பது அவசியம்.

தொழில்நுட்பம் மற்றும் இணையம் அதீத வளர்ச்சிபெற்றுள்ள இந்திய சூழலில், கட்டற்ற மென்பொருள் இயக்கம் அது ஆரம்பிக்கப்பட்ட 1983-ஆம் ஆண்டைவிட இன்று பெருமுக்கியத்துவம் பெறுகிறது!

மேலும் விவரங்களுக்கு கட்டற்ற மென்பொருள் அறக்கட்டளை தளத்தைப் பார்க்கவும்.

நன்றி: http://www.gnu.org/